Central YMA-in Magistrate Dem

15/12/2010 14:37

Kolasib District Court-a first class magistrate Malsawmdawng-liana'n Vairengte excise check gate-a duty-te manna tur order (warrant of arrest) a siam chu Central YMA chuan an dem thu thuchhuah siamin an sawi.

CYMA thuchhuah chuan Mizorama ruihhlo lo lut tur vengtu, Sub-Hqrs YMA, Kolasib Anti Drugs Squad (ADS)-te thlenga lo vau tawhtu Magistrate hian, mahni hna dik taka thawktu excise department-a thawkte chu a hmusit hla nia an ngaih thu an sawi a. Excise force -te chu an thlawp thu leh a tawp thlenga an dikna tilang tur leh huaisen taka an hna thawk chhunzawm tura an duh thu an sawi a. ‘Mi tumah dan chunga leng an awm lova, mahni thuneihna hmang khawlova, dan humhalhtu tur zawkin dan an palzut thinna ang chi reng reng tun hnuah thleng tawh lo se kan duh a ni,’ an ti.

He thil thleng chung-changah hian Home minister R.Lalzirliana chuan, excise enforcement staff-te vautu magistrate chuan sorkar a tihmualpho thu leh Law minister pawh a hriattir tawh tih a sawi a. Judiaciary chu thuneihna hran nei an nih avangin anmahni chinfel tur chi nia a hriat thu a sawi bawk a ni.

Thulakna: The Zozam Times