Cencus Sakawlh Number Ni Lo

22/05/2010 00:22

Nihnih awh seminar, Booth Mansion, Temple Square-a neih chu nimin tlai khan zawh a ni. Speaker Margo Crossing (Australian) chuan sakawlh lo chhuahna tur bulbal leh One-world government din tura khawvel inbuatsaih dan (phiarrukna thuruk ril) a sawi a; Dr P.C.Biaksiama’n tunlai mite buaipui census leh UID hi sakawlh chhinchhiahna a ni em tih zawhna a chhang thung. Thupuan 13-in sakawlh chhinchhiahna chu chalah emaw, kut dinglamah emawa chhut kai theih chia thuziak or symbol a nih dawn avangin tunlaia sawrkar chhiarpui nen hmehbel a rem lova; sakawlh nambar hi chhut thiamte chhut chhuah tur a nih laiin, chhut thiam hlei lo, ‘a sen reng reng hlau zel ang che,’ tih rilru pu mi tutute emawin rinthua an sawiluh mai niin a hrilhfiah a, tumah chi-ai lo turin a chah.

Unique Identification (UID), India sawrkarin siam chhuah tuma a buatsaih mek chu mimal tinte ID card changkang tak tur a ni mai a, rukru leh terrorist-te man chhuahna remchang leh ram chhung security lam atana thil tangkai zawk tur a nihzia a hrilhfiah bawk. Sakawlh nambar a nih lohzia finfiah a nih tak avangin he seminar chhimtu mi thenkhat chu lungawi vak lovin an tin ta ni awm a ni. He seminar hian mite hlutsak a hlawh hle a, ni hnih chhungin hall a leng lo khawpin mipui an lo kal khawm a ni.

Thulakna: Mizo Aw

Back