CADS tanpuitu an pung zel Rs. 19,40,725 man ruihhlo man tawh

03/07/2010 18:58

Central YMA hnuaia ruihhlo dotu, CADS tanpui nan Dr B Lalramzauva, Zarkawtin Rs. 10,000; Laldinthara, Khatla-in Rs. 10,000; Dawrpui Vengthar Presbyterian Kohhranin Rs. 5,000; Dawrpui Vengthar Pastor Bialin Rs. 5,000; Dinthar Vengthlang Branch K|P-in Rs. 2,000; K Lalthawmmawia, Tuikual North-in Rs. 1,000 leh, Lalpekmawii, Bethlehem Vengin Rs. 500 an pe. CADS hmalakna thlawp a, tanpuina sum petute zawng zawng chungah CYMA chuan lawmthu a sawi.

CADS hian Ningani zan khan Lalrinthangi (38) Kolasib Diakkawn nia insawi hnen atangin Parvon spas mûm 1,296 leh, Zothangliana (28), Lawngtlai hnen atangin Parvon Spas mûm 232 an man a; nimin zing khan mi pakhat hnen atangin heroin cane 37 leh a chhin sen 6 an man bawk.

CADS hian May 29-a hma an lak tan atanga nimin thleng khan nitrosun mûm 232; proxyvon/parvon mûm 23,485; heroin hawng 7, cane 230 leh chhinsen 208; ganja kg. 31 leh pack 10 an man tawh a, hengte hi Rs. 19,40,725 vel mana chhût a ni. Ruihllo kaihhnawiha mi an man zinga 35 chu Excise kutah an hlan a, pali chu Home-ah an dah tawh bawk.

Thulakna: Vanglaini

Back