Khawvel internet hman tawhna ram zinga internet pawt/zawm tlemna ber Burma khawpui Yangon vantlang mite internet hmanna dawr (internet/cyber cafe)-ah CD drive, USB port, Floopy drive, adt... hman khap a nih thu, sorkar chuan Yangon khawpui chhung internet dawr zawng zawng hnenah a hriattir!
Sorkar chuan internet dawr neitute zawm tur thupek 12 a siam a, chu’ng zingah chuan – dawra internet hmangtute identity card number, hman hun darkar, website en leh thil tih engkim chhinchhiah; ram dang miin internet a rawn hman chuan a passport number, phone number leh thlenna hmun chhinchhiah; chu’ng chhinchhihnate chu thla tin Myanma Post and Telecommunications Ministry-a pek luh ziah; dan zawm lote chu internet dawr hawn theihna licence kharsak leh dan dinglai anga hrem tur an nih thute a tel a ni.
March ni 2, 2011 khan Burma sorkar chuan Yangon khawpui chhunga internet dawr zawng zawng hnenah internet atanga inbiakna hrang hrang – skype, gtalk, pfingo, vzo, adt... hman khap a nih thu a hriattir tawh bawk a ni.
Yangon-a internet dawr neitu pakhat chuan, “Sorkar lam atanga internet dawr rawn endikna tun thleng chuan kan la tawk lo. Mahse, hetianga sorkarin thupek a chhuah avang hian kan zawm lo ngam lo a, mipuite pawhin an hmang ngam meuh lo a ni,” a ti.
A chhiar theite tan sorkar thuchhuak chu heile...