Bomb a ni lo, Rocket a ni zawk

26/02/2010 23:59

THE ZOZAM TIMES : Kum 1996 March ni 5-a India sorkarin Jet Fighter hmanga Aizawl a beihnaah bomb hman a ni lo tih hetih hun laia Indian Air Force-a Commissioned Officer hnathawk Wg.Cdr. (retd) Lalzawma chuan a sawi a. “Aizawl beih nan hian Bomb hman a ni lo a, 60mm Rocket hman a ni,” a ti.

Jet Fighter hmanga Aizawl beih a tul chhan chu khatih lai khan Assam Rifles chu hualbeh tlat an ni a, chaw leh tui an tlakchham dawn avangin anmahni chhanchhuak turin loh theih lohin Jet Fighter hman a tul ta a, Home Ministry thupekin sipaiten an tihtur an tih hnu-ah an kir leh mai a ni, a ti bawk. Jet Fighter-in Aizawl beih nana a hman 60mm Rocket leh Machine Gun a nih thu sawiin, hetiang Rocket/Machine Gun-ah hian target kaha a fuh veleh a puak a, a chhunga silaimu engemawzat dah chu a puak zui leh bawk a, kangmei nasa takin a siam thin niin a sawi. Fighter te hian an target tamtak an fuh a, khawi laiah emaw tihsual palh chu a awm mai thei, a ti bawk.

Back