BANGKOK LEH BIAL DANG 23-AH CURFEW HUN CHHUNG NITHUM PAWT SEI...

21/05/2010 02:48

Ni 20.5.10 , Nilaithawhtanni khan Thailand sorkar chuan Bangkok bial leh bial dang 23-ah zan dar 9 – zing dar 5 vah chhuah awih loh dan chu ni thum chhung pawh a sei .He dan (Curfew) hian Inrinni zan (Chawlhni zing) thleng a awh dawn a ni.

Thailand sorkar leh eptu / Red Shirts la tlawm duhlote inkarah inbeihna a la awm pheuh pheuh nachungin, sorkar lam chuan engkim an kuthnuaia a awm leh tawh thu an sawi.Nilaitawhtanni inbeihna-ah hian mi 7 vel an thi nia hriat a ni. Eptu pawl / Red Shirts hotu pakhat pawh sorkarah a inpek leh thu sorkar thuchhuah chuan a sawi.

Chawlhkar tam tak Bangkok sumdawnna hmun pawimawh lai taka Red Shirts-ho inkulhna hmun vela bawlhhlawh leh chhiatna te chu Nilaithawhtanni atang khan hnathawktuten thenfai hna an thawk tan a ni.

Nilaini khan Thai stock exchange building chu Red Shirts-hovin an hal avangin Nilaithawhtanni leh Zirtawpni chu khar a ni. Bank thenkhat pawh suasam a rawk a nih avangin, Thailand Central Bank chuan Nilaithawhtanni leh Zirtawpni chu Holiday atan a puang ve bawk.

Thulakna: VOA , Al Jazeera

Back