THAILAND SORKARIN EPTU PAWL / RED SHIRTS-HO THU RAWT HNAWL

17/05/2010 04:13

Eptu pawl / Red Shirts ho thu rawt - sorkar lamin an beih chiamna an tihtawp hmak chuan United Nations buatsaihsak inbiakremna neih an hman reng thu an sawi chu Thaland sorkar chuan a hnawl.

Ni 16.5.10 , Chawlhni-a Eptu / Red Shirts hotu lu Nattawut-a thu rawt – United Nations buatsaihsak inbiakremna chungchang chu sorkar chuan chhang letin, mahni ram chhung thilah midang rawih a tul loh thu te leh he thil hi an pawm loh thu a tarlang.

Tuna hmun an khuarna hmunah hian eptu / Red Shirts mi 5000 vel an la awm nia rin a ni.

Nilaithawhtanni atang tan he inhaul / inbeihna-ah hian mi 31 aia tlem lovin nunna an chan a, mi 300 velin hliam an tuar tawh a ni.Hliam tuarte hi eptu pawl Red Shirts lam deuh hlir nia hriat a ni.

Thailand sorkar chuan Thawhtanni leh Thawhlehni ( 17–18.5.10) chu vantlang chawlh ni (Holidays) atan a puang a, thal school chawlh zawh – vawiin atanga school hawn tan tur pawh chawlhkar khat tawlhsawn phawt a ni.

Thulakna: VOA

Back