ATC-ah Zo hnam zia lantir dawn

04/08/2010 23:52

Aizawl Theological College a thuneitute chuan tunhnai khan an hnen atanga Pathian thu zir chhuakte thlahnana an hman gown (Kawrchung fual)-ah Mizo hnam zia lan theihna chi hrang hrang hman ni tawh nise tiin thutlukna an siam.

ATC hotuten ruahmanna an siam dan chuan Doctorate degree hmu tharte gown nghawngah ‘Thang-chhuah puan’ telh nise an ti a. M.Th zir chhuakte gown-ah ‘Tawlhloh Puan’ leh BD zir chhuakte gown-ah ‘Sakei zangzia’ dah tel nise an ti bawk.

ATC Vice principal Rev Dr. Vanlalchhuanawma chuan an ruahmanna chu ATC faculty chuan an pawm tawh thu leh hun remchang hmasa berah bultan an tum thu a sawi, an ruahmanna chu kohhran huang chhunga Zo hnam zia sengluhna hmanraw chikhat anih thu a sawi bawk.

Heng bakah Synod Literature & Publication Board chuan kum 2011-a kum 100 tling tur Kristian Tlangau kawm chu Mizo hnam zia lan tir thei zawngin kalpui ni tawh se, an ti bawk a ni.

Thulakna: The Zozam Times

Back