AMC inthlanah Zero atangin kan tan, MPC nen kan lungrual a, Cong. leh ZNP pawh - Dr.R.Lalthangliana MNF MLA

Inrinni zing khan Dr.R.Lalthangliana MLA chuan MNF Office Lungleiah Lunglei Media te a kawm a, AMC inthlan chungchang leh tunlai Mizoram Politics chungchang a sawi a, MNF Sub.Hqrs.President Lawmawma Tochhawng leh hruaitu dangten an tawiawm.

Dr.R.Lalthangliana chuan Aizawl Municipal Council inthlan chung-chang sawiin, ‘MNF leh a tanrualpui MPC ten seat 10-12 lak ka inring a, mahse beisei ang a ni ta lo deuhva, heti chunga sawrkarna chang lai sang taka an invawrh lo hi chuan awmzia a neih ngei ka beisei,’ a ti a, MLA inthlanah khan Aizawl khawpuiah MNF kan nil thak a, tunah Zero atangin kan tan a, kan ti tha khawpin ka hria,’ a ti.

Dr.R.Lalthangliana chuan, ‘Ruling Party in Municipal inthlana ZNP an thawhpui hian an inrintawk loh na a tilangin ka hria a, chuvang chuan Municipal inthlan hian MLA inthlan leh hunah nghawng a neih ngei ka ring a ni,’ a ti a, sawr-kar hi mipui nawlpui hian kan chhawr ta lo hle a, sawrkar a awm lo emaw tih tur hialin ke an pen niin ka hmu,’ a ti.Kan sawrkar lai khan Municipal inthlan hi buatsaih thei kan ni a, mahse inpeih lo deuhva tih kha kan duh lo va, kan kalpui hman ta lo,’ a ti.

Tunah hian Mizoram Politics dinhmunah chuan Party pahnih anga kal hi tha zawka hriatna te pawh a awm tawh a, tuna MPC nena kan thawhhona hi a tha a, Cong. leh ZNP th-awhhona pawh hi a \ha thawkhat chuan ka hria, \um danga thawhho dan nen chuan danglam tak a ni,’ a ti.

RMSA School sak chungchang sawiin, ‘RM-SA School 177 satu tur hi VEC te an nih laiin sawrkar hian Party Worker te an saktir ta mai mai a, hei hi dan kalh a ni a, Central hotute pawh ka sawipui tawh a, engtia hmalak nge an tum ka hre lo, Party Workers ten he hna hi an thawk a nih chuan Guidline kalh tlat a ni,’ a ti.

Municipal inthlan hian MLA inthlan a nghawng ang em, tia zawhna chu chhangin Dr.R.Lalthangliana chuan, ‘Nghawng ka ring, a chhan chu inthlan dawn hnaih thlengin Buhfaiah harsatna kan tawk a, Gas-ah harsatna kan tawk bawk a, ‘Ruling Party an ni nain Buhfai leh Gas-ah tan la rawh u,’ ka han ti ve thin a, mahse kan thusawi eng-ahmah an ngai lo va, hetiang hian harsatna kan tawk ta a ni, MNF sawrkar tawp dawn hnaih kha Mau-tam lai a ni chungin hetiang em em hian harsatna kan tawk lo, mipui hian Congress an hmuh dan hi a danglam hle a ni,’ a ti.

Kan sawrkar laia a thlawna mipui hnena Buhfai kan sem Cong. sawrkarin an han titawp te hi a lungchhiatthlak a, a dik tak chuan mipui hian Mizoram sawrkar a awm tih hi an hre mang lo a ni,’ a ti.

MLA leh Lecturer ni kawp, hlawh la double tho si,’ tia an sawi hi eng nge a awmzia,’ tia zawhna chu chhangin, ‘Kum 1985 khan Lecturer hna ka zawm a, tichuan Politics-ah ka lut a, MLA ka han ni chhova, kan sawrkar chhung khan Lecturer hna ka zawm lo, inthlan hnuhnung berah MLA ka han ni leh a, tichuan Lecturer hna ka zawm a, ka zawm hnuah MLA hlawh ka la tawh lo, MLA ka nih chhung khan NEHU hian Kum 20 chawlh min pe a, ka hmang zo ta a ni,’ a ti. MLA ni chunga Lecturer hna zawm hi a theih a, mahse MLA ka nih avang-in Lecturer dangin nikhata Period 4 an neih laiin kei chuan Period 2 chauh ka nei a, hei hi MLA ka nih vang a ni,’a ti.