2011-2010 Synod Budget-ah Cheng Nuai 10,214.99 Pawm

03/12/2010 14:34

Synod Executive Committee vawi 231-na chu nilaini khan Pi Zaii Hall, Synod Conference Centre-ah an thukhawm a, kum 2011-2012 chhunga Synod Budget cheng nuai 10,214. 99 chu pharhin an pass. Kum kal mek 2010-2011 chhunga additional budget chu an pawm bawk.

SEC meeting hian kum 2011-2012 chhunga budget atan, pastoral-ah Rs. 64,78,42,300 leh mission-ah Rs.37,36,56,700 an ruahman a. Additional budget atan, pastoral-ah Rs. 4,09,20,580 leh mission-ah Rs. 1,512,9,320 te chu an pawm bawk a ni.

Meeting hi Synod Mo-derator Rev. C. Chawng-liana’n a kaihruai a, Synod Secretary Upa Vanlalhuma chuan report a pe a ni.

Tun tum SEC rorelnaah hian member 135 zinga 119 an tel thei a, thu ngaihtuah tur chhawpchhuah (agenda) 17 an nei a. An thu ngaihtuah zingah, Synod Social Front buatsaih- Media-in a tha lo zawnga nun a kaihhruai dan zirchianna a tel a, SEC chuan he zir chianna hi \ha a ti a, Synod Inkhawmpuia ngaihtuah zui atana dah a ni. Aizawl Theological College Principal, Rev. Dr. Roger Gaikwad-a hmun ruak luah turin Vice Principal ni mek Rev. Dr. Vanlalchhuanawma thlan a ni.

Synod khawmpui hi December ni 6-12 chhung hian Zarkawt Presbyterian Kohhranah neih a ni dawn a ni.

Thulakna: The Zozam Times