2010 World Cup-a Hman Tur Ball - JABULANI

03/06/2010 02:25

Kum 2010 World Cup-a ball an hman tur hi JO'BULANI (Jabulani) a ni a, lawman (trophy) nen inchawih tur leh ni 11 July-a Final an khelhna tur “Rangkachak Khawpui” tia koh – South Africa khawpui Johannesburg chawimawina turin rangkachak rawnga tial a ni. “Jabulani” tih hi Republic of South Africa Official Language 11 zinga isiZulu tawng a ni a, a awmzia chu “ lawm turin / tithangmawi turin (to celebrate)” tihna a ni.

Adidas Ball Jabulani – a rawng 11 hian team tina infiam mi 11 te ,South Africa-a Official languages 11 te leh hnam 11-te a entir. Rawngvar chunga kil thum neia siam rin hian African mite rilru sanzia a entir.

Jabulani hi khawvel Football bungrua siam lama hmahruaitu Adidas siam a ni a, scientific takin uluk taka siam a ni.He Jabulani hi Loughborough University in England-ah uluk taka enfiah a ni a, thli leh leiverh velah vawiduai lo chhin a ni bawk a, adidas football laboratory in Scheinfeld, Germany-ah pawh boruak sik leh sa eng hun pawh a tuar zo em tih vawi tam tak chhin a ni.