1000 Memories - Digital Khawvela Mitthite Thlan

11/12/2010 02:39

Facebook, Twitter leh company dang tam takte buaina pakhat chu mitthi tawhte account, thlalak bawm, thuziak bawm, video dah that leh ilo vel zawng zawng hi engtia tih tur nge ni ang? tih hi a ni a, vawiin thlengin tihdan tha tak an la ngaihtuah chhuak hlei thei lo a ni. “Ka thih hunin internet-a ka telna leh chetvelna zawng zawng hi a la nung reng ang em? Engtin tak awm chhunzawm ang maw? ” tih hi khawvel mi tam takte ngaihtuah tithuitu pakhat a ni. Company tam tak chuan mitthi tawhte account leh ilo chu an thai bo mai thin.

Ni 9 December 2010, Ningani khan 1000 Memories chuan a thlawna hman theih mitthi tawhte thlan tur a tlangzarh. He 1000 Memories (https://1000memories.com/ )-ah hian mahni chhung khat laina, thian thate hriatrengna pual siam theih a ni. Mitthi tawhte page, video, thlalak bawm, notes leh a dangte siam theih a ni. Chu’ngte chu thian dangte, chhung khatte nen inhluitawn (share ) theih a ni a, Facebook-a hman lar em em, thlalaka inchhinchhiah (tag ) pawh tih ve theih a ni.