MIZO MIZONA HUMHALH

Phekpui>A nih tur anga enkawl a ni lo chungin Publication Board-in Lehkhabu 293 chhuah tawh

A nih tur anga enkawl a ni lo chungin Publication Board-in Lehkhabu 293 chhuah tawh

26/02/2010 10:00

THE ZOZAM TIMES : NSUI Mizoram State chuan MZP Gen.Hqrs.-in kumin March ni 5 Zoram Ni tia hmanga, zirlaite puala ‘India-in Mizoram a bomb lai lem’ inziahsiakna buatsaih an tum chuan hnambing rilru a tha lo zawngin a kaitho thei a ni an ti a, chu chuan India atanga inlakhran a kawk thei a ni an ti. Nimin khan press release chhuahin thangthar naupang zawkte rilru a ni lo zawngin a hruaisual thei bawk a ni an ti.

NSUI chuan Jet Fighter hmanga Aizawl beih kha MNF ten Assam Rifles an beih vang a ni an ti a. Mizote bomb leh tihchimih vek tum a ni lo an ti. MNF-ten independence an puan avangin an rawn tihthaih mai a ni a, inmdependence puang lo se khatiang kha a thleng lo ang an ti.

NSUI chuan thu dik chanve hmanga zirlai kaihhruai tumna hi hnam pawi khawih theihna a ni an ti a. Hetiang hmanga mipui rilru kaihhruai tumna hi intihbingna rilru a ni a, thil tha a ni lo an ti. NSUI chuan India ram inpumkhatna tichhe thei zawnga thil tih hi a him lo a, khua leh tui thate tih tur a ni lo a ni an ti.

"Kan Indian puite nena inenhran theihna ang chi leh an huai theih tur zawnga hma lakna hi inpumkhatna tichhetu a ni a, India mi kan nih angin khua leh tui tha ni tura inzirtir hi mi zawng zawng mawhphurhna a ni a, chuvang chuan Zoram Ni hman hi NSUI chuan tha lo a ti a ni".